Sarmad Rao – Qaum ki Awaz – Urdu Rap

Sarmad Rao – Qaum ki Awaz – Urdu Rap Lyrics

Artist: Sarmad Rao
Song: Qaum ki Awaz – Urdu Rap

Alfaz nahi yeh sirf, puri qoum ki awaz
Hai jawaz, is halat ka hamari kiske paas
Anjaam nahi yeh abi yeh hai shruwaat
Rakho thori umeed sun rahe barson se yeh baat

Par umeed tou na badle gi is qoum k halaat
Pai pai pe hoti jahan zulm ki barsaat
Hai jurm b har jaga, bas naam ka insaaf
Bekasur qaid hai aur mujrim azad

Agar chalte rahe aise, hongay sirf barbaad
Na ayegi subha na kategi siyah raat
Us rab ke tou aagay na he shakal na he zaat
Phir karte hein farq kyun, hamari kya auqaat

Khauf dilon mein ke na sach ka koi sath de
Insaaf k rakhwale, bhi khudi sach ko maat den
Karta jo saaf baat hai, usi se ikhtilaaf hai
Is baat ko jaan ke hua yeh inkishaf hai

Bahar se mazhabi, andar se koi saaf nahi
Karte gunah sabhi, koi aiteraaf nahi
Lakh sawal hein par koi ik jawab nahi
Qaid ki wo mehnat karo aise kharab nahi

Leke jaan ksi ki milne wala sawaab nahi
Qatal jaiz tou, haraam phir sharaab nahi
Fakhar se hein kehte, mulk jang ko hai tayyar
Par haqeeqat tou yеh ke adhi qoum berozgar

Kon bekasur hai ya kon kasurwaar
Aur kis kе jurm mein janay kon giraftaar
Hun bezaar rahana jaye is zulm k jal mein
Jahan insaaf bhi ho tou dande k dam pe

Hein har taraf chalte yeh khoon k dange
Naam pe mazhab ke marte hein bande
Hein haraam dhande daag bhare kirdaar hein
Apni is halat ke hum khud he zimedaar hein

Jab 80 feesat mulk jahalat ka shikar hai
Puri qoum se meri bas itni si pukar hai
Uthao qalam jahalat ka girado minaar yeh
Khol lo kitaab aur phenkdo hathyaar yeh

Nikialo awaz khamoshi ki tordo deewar yeh
Hojaen hazar tou awaz banegi lalkar yeh
Yeh tha sird aik safa, rehti puri qitaab hai
Gheebat subha sham nafrat be hisaab hai

Soch phir hum aata kyun hum pe azaab hai
Sab ban gaye haiwan aur insaniyat nayaab hai
Find more lyrics at https://dcslyrics.com

You can purchase their music thru
  
Disclosure: As an Amazon Associate and an Apple Partner, we earn from qualifying purchases

Sarmad Rao Lyrics – Qaum ki Awaz – Urdu Rap

Please support our site by sharing it.
And please follow our site to get the latest lyrics for all your favourite songs.

From the album:
Qaum ki Awaz – Urdu Rap [Explicit]
Release Year: 2021