Narci – Ayodhya Wapsi Lyrics
Artist: Narci
Song: Ayodhya Wapsi
Mangal bhavan amangal hari
Drabahu sudasarath ajar bihari
Ram Siya Ram Siya Ram jai jai Ram
Ram Siya Ram Siya Ram jai jai Ram
Sita: Wo din bhi kitna ashubh tha, main swarn mrig ke moh mein aisi fasi
Ki us maya ko samjh hi nahi paayi aur us mrig ko paane hetu maine aapko uske peechhe bhej diya
Ram: Wo din main kaise bhool sakta hoon Sita? Usi din to tumahre aur mere madhy viyog ne sthan liya tha
Dhanush pe rakh ke Ram teer ko
Mrg ke peeche bhaage veer wo
Sone ka wo mrg manjul
Bhaage tez bada vayu cheer wo
Chora teer jo Ram ne fir
Gira tha mrg saamne fir
Roop asur ka liya tabhi
Pada laga wo kaampane fir
Ram bhi samjhe maya saari
Ghadi amangal ho gayi bhaari
Sahayat ko laga bulaane
Ram ke swar mein zor se Marich
Dehal uthi lo Panchvati
Dheeraj ki bhi dor kati
Awaz suni jab Sita ne
Bechain hridy mein chot lagi
Sita ke na paanv thame
Na chinta mein viraam lage
Laxman ko wo bol rahi
Pukaar rahe hai Ram hame
Lakshman ke sar aaya fir Sita ki aagya ka bhaar
Aagya dekar boli dhundo kahan se aayi unki pukaar
Tarkash baandha seenе se, jaate jaate bol gayе wo
Maata kuch bhi ho jaaye bas rekha ko na karna paar
Ram: Lakshman ye chhal tha, tumhe Sita ko akela chor kar nahi aana chahiye tha
Laxman: Bhaiya mujhe maata ki aagya ne vivash kar diya tha
Panchvati mein hone lagi thi asur haajiree ki hulchal
Sadhu banke phuanch gaya tha Ravan poora karne chhal
Laangh chuki thi rekha ko wo, Ravan tha ye soch raha
Aaj haran to nishcit hai lagana pade chahe mujhko bal
Ram: Tumhe upasthit na paa kar aisa lag raha tha, maano us din Panchvati se mere paraanon ka haran ho gaya ho. Main chintit tha ye soch kar ki tumhe dhundu to kahan dhudnu? Main krodith tha ye soch kar, kiska dussaahas hua tumhara haran karne ka, bhay mere sahas ko rikt kar raha tha, aisa bhay jo mujhe baar baar pooch raha tha, “Ram, tu Sita ke bina Ayodhya waapis kaise jayega?”
Sita: Kitnu aapne apne bhay par vijay prapt ki, na kewal bhay par balki Lanka ke samraat Ravan par bhi. Aapne adharm ko prajit kar punah dharm ka dhvaj phaharaaya. Ek wo din tha jab humne viyog ke aansuon ke sath Ayodhya ko 14 varhon ke liye alvida kaha tha, aur ek aaj ka din hai jab hamari vanvaas ki avadhi smapt ho chuki hai. Aaj usi Ayodhya ke hum punah darshan karenge
Taqdeer pe teeno ke tha hua virah ka ye teekha vaar
Pass khade they Ganga ke wo aankhon mein thi ashru dhaar
Vida liya Ayodhya se wo jaate jaate soch rahe
14 saalon ki avadi na chota sa tha intezaar
Reet nibhaane kul ki dekho Ram vachan pe khade rahe
Raj jise kal milna tha wo aaj vanon mein bhatak rahe
Treta mein khud prabhu ne jhele kasht vanon ke 14 saal
Aur paapi hum jaise asthaayee sukhon mein atak rahe
Ho, hoi hai vahi jo Ram rachi raakha
Ko kare tarak badhaaye saakha
Ram Siya Ram Siya Ram jai jai Ram
Ram Siya Ram Siya Ram jai jai Ram
Ram: Aaj poore 14 varshon pashchaat main Ayodhya ke drashan karunga, kaisi dikhti hogi Ayodhya? Sab se milne ka ek utsaah mere hridy mein aanandamay parivesh bana raha hai
Laxman: Bhaiya yahi utsaah mere hridy mein bhi hai, Chaliye, Pushpak Vimaan Ayodhya ko prasthaan karne ke liye taiyaar hai
Baad maran ke Ravan ke tha Ram naam ka shor chale
Beet gaya tha samay vanon ka aaj wo ghar ki aur chale
Un Bharat se milne ki Ram hridy mein pyaas liye
Ram nishaani sar pe rakh jo laut gaye they aas liye
Deep jala do nagri mein, na andhkaar ki chot rahe
Aaj Siya aur bhai sang, Ram Chandra ji laut rahe
Aaj Siya aur bhai sang, Ram Chandra ji laut rahe
Aaj Siya aur bhai sang, Ram Chandra ji laut rahe
Ram Siya Ram Siya Ram Jai Jai Ram
Ram Siya Ram Siya Ram Jai Jai Ram
Ram Siya Ram Siya Ram Jai Jai Ram
Ram Siya Ram Siya Ram Jai Jai Ram
Find more lyrics at https://dcslyrics.com
Disclosure: As an Amazon Associate and an Apple Partner, we earn from qualifying purchases
The Narcissist Cookbook – Practically Imperfect
Narci – Sakha
Narci Lyrics – Ayodhya Wapsi
Please support our site by sharing it.
And please follow our site to get the latest lyrics for all your favourite songs.
Release Year: 2021